Bu dəfə piyadanı təyyarə vurub öldürdü

Qəribə qəza ABŞ-nin Denver aeroportunda baş verib. 

Avtosfer.az xəbər verir ki, hava limanının mühafizə hüdudunu adlayan şəxs uçuş zolağını keçmək istəyərkən onu təyyarə vurub.

Havaya qalmaq üçün sürət yığan təyyarənin pilotu piyadanı görsə də, artıq gec olub. Zərbənin təsirindən piyada hadisə yerində həyatını itirib.

Kəskin tormozlama nəticəsində 12 nəfər xəsarət alıb, hava gəmisində tüstülənmə baş verib.

Hadisədən dərhal sonra uçuşlar dayandırılıb, 224 sərnişin və 7 heyət üzvü təxliyə edilib.

Hava limanından bildirilib ki, hadisə nəticəsində ölən şəxs aeroport işçisi deyil və mühafizə zonasına qanunsuz daxil olub.

Vüqar