Çavuşoğlunun güllələnən qardaşı öldü

Türkiyənin keçmiş xarici işlər naziri Mövlud Çavuşoğlunun qardaşı, iş adamı Aydın Çavuşoğlu müalicə aldığı xəstəxanada vəfat edib. 

Avtosfer.az xəbər verir ki, bu barədə "Haberturk" məlumat yayıb.

5 may tarixində Alanyadakı ofisində baş verən atışmada yaralı vəziyyətdə tapılan iş adamı bu gün müalicə aldığı xəstəxanada vəfat edib.

52 yaşlı iş adamı Aydın Çavuşoğlu Antalya şəhərinin Alanya rayonundakı ofisində silahlı insident nəticəsində yaralı vəziyyətdə tapılıb və əməliyyatdan sonra reanimasiyaya yerləşdirilib.

Aydın Çavuşoğlu Mövlud Çavuşoğlu ilə "Alanyaspor" prezidenti Həsən Çavuşoğlunun qardaşıdır.