“Nissan” və “Land Rover”i zərgərlik mağazasına çırpıb qarət etmək istədilər - VİDEO

İngiltərədə bir neçə zərgərlik mağazasına maşınla gələnlər soyğunçuluğa cəhd edib.

Avtosfer.az xəbər verir ki, hadisələr ötən gün Bradford şəhərində təxminən günorta saatlarında baş verib. Məlumata görə, bir qrup şəxslər Qreyt Horton yolunda yerləşən zərgərlik mağazasının vitirininə "Nissan Navara" markalı avtomobillə vuraraq qarət etməyə çalışıblar. Lakin cəhdləri baş tutmayınca avtomobili hadisə yerində qoyaraq qaçıblar.

Analoji hadisə isə yaxınlıqdakı Litl Horton Qrin ərazisində bu dəfə "Land Rover" markalı digər bir nəqliyyat vasitəsi ilə həyata keçirilib. Lakin həmin cəhdlərdə boşa çıxıb.

Mağazalardakı həyəcan siqnalından sonra hadisə yerinə polis əməkdaşları gəlib.

Hadisə nəticəsində xəsarət alan olmayıb. İlkin araşdırmalara görə, mağazadan heç bir qızıl və ya qiymətli əşya oğurlanmayıb.

Faktla bağlı araşdırmalar davam edir, polis şahidləri və ərazidəki videomüşahidə kameralarının qeydlərini araşdırır.

Namiq Musayev