Prospektdə gənc oğlan skuterlə əks yola çıxıb təhlükə saçdı - VİDEO

Paytaxtın Neftçilər prospektində qaydaları kobud şəkildə pozan skuter sürücüsü kameraya düşüb.

Avtosfer.az-ın məlumatına görə, hadisə bir neçə gün əvvəl səhər saatlarında qeydə alınıb. Görüntülərdən aydın olur ki, skuter idarə edən gənc əks istiqamətdə hərəkət edib. Bununla kifayətlənməyən sürücü təhlükəli manevrlər edərək irəliləyib. Nəticədə o, qarşıdan gələn nəqliyyat vasitələri üçün qəza riski yaradıb.

Qeyd edək ki, skuter sürücüləri də yol hərəkəti qaydalarına əməl etməlidir. Belə ki, onlar hərəkət istiqamətini pozmamalı, mümkün olduqda velosiped zolağından istifadə etməli, bu zolaq olmadıqda isə yolun sağ kənarı ilə hərəkət etməlidirlər. Eyni zamanda, zolaqlar arasında təhlükəli manevrlərdən çəkinmək, digər hərəkət iştirakçılarına maneə yaratmamaq və ümumi təhlükəsizliyi təmin etmək əsas tələblərdən hesab olunur.

Nərmin