Salyanda kombayn və "Niva" yandı

Salyan rayonunda iki yanğın hadisəsi baş verib. 

Avtosfer.az unikal-a istinadən xəbər verir ki, rayonunun Marışlı kəndində ümumi sahəsi 150 kvadratmetr olan ikimərtəbəli 3 otaqlı evin 1-ci mərtəbəsində yerləşən qarajın içərisində "Niva" markalı minik avtomobilinin yanar hissələri yanıb. 

Daha bir yanğın hadisəsi rayonunun Yeni Uluxanlı kəndində qeydə alınıb. Belə ki, ümumi sahəsi 170 kvadratmetr olan qarajın dam örtüyünün taxta atmaları 10 kvadratmetr sahədə və içərisində dayanan "Sampo" markalı kombaynın yanar hissələri yanıb. 

Hər iki yanğın FHN-nin müvafiq qüvvələri tərəfindən söndürülüb və xəsarət alan olmayıb. 

Faktlarla bağlı araşdırma aparılır.