Universitet yaxınlığında atışma: 9 nəfər yaralanıb

ABŞ-nin İndiana ştatının Bluminqton şəhərində yerləşən İndiana Universitetinin kampusu yaxınlığında baş verən atışma nəticəsində azı 9 nəfər yaralanıb.

Avtosfer.az xəbər verir ki, bu barədə “The New York Post” qəzeti məlumat yayıb.

Məlumata görə, hadisə aprelin 26-na keçən gecə yarısı Kirkvud prospektində, tələbələrin məşhur veloyarışı münasibətilə bayram etdiyi vaxt baş verib.

Polis hadisə yerinə gələrək universitetdən bir kvartal aralıda yaralıları aşkarlayıb. Doqquz nəfər xəstəxanaya yerləşdirilib.

Qəzet şahidlərin sözlərinə istinadən bildirir ki, atışmadan əvvəl iki qadın arasında dava baş verib və onlardan biri silahdan istifadə edib.