Prezidentlə “Jiquli” zarafatı direktora baha başa gəldi

Bir neçə gün əvvəl Belarus Prezidenti Aleksandr Lukaşenko elm adamları ilə görüşdə ölkədə layihələndirilən elektromobillə bağlı vəziyyəti soruşub. 

Avtosfer.az xəbər verir ki, layihələndirmə Birləşmiş Maşınqayırma İstitutuna verilib. Elm müəssisəsi yerli elektromobili Belgee EX50-nin bazasında hazırlayır. İndiyədək 5 prototip layihələndirilib. 

Lukaşenko maşına canlı baxmaq istədiyini, hətta bu maşınla sabah küçəyə çıxsa camaatın qorxub-qorxmayacağını soruşduqda Akademiya rəhbərliyi maraqlı cavab verib. Akademiyanın prezidenti Vladimir Karanik bildirib ki, maşın “Coolray” kimi görünür, “Rolls-Royce” qiymətinədir, “Jiquli” kimi gedir.
Bu gün isə məlum olub ki, Birləşmiş Maşınqayırma İstitutunda aparılan audit dövlət vəsaitinin mənimsənildiyini üzə çıxarıb. Sən demə, rəhbərlik özünə və yaxın adamlarına böyük məbləğdə pul mükafatı yazıb.

Vüqar