Yanacaq göstəricisindəki sirli oxun mənası nədir? - MARAQLI MƏLUMAT - FOTO

Avtomobildə sürücülərin hər gün gözünün önündə olan, lakin çox vaxt fikir vermədiyi detallardan biri də sürətlər panelindəki yanacaq göstəricisinin yanındakı kiçik oxdur.

Avtosfer.az xəbər verir ki, yanacaq göstəricisinin üzərində yerləşən kiçik ox sürücüyə yanacaq çəninin qapağının hansı tərəfdə olduğunu göstərir.

Maraqlıdır ki, bunun üçün avtomobildən düşüb qapağın yerini yoxlamağa ehtiyac yoxdur. Göstəriciyə baxmaq kifayətdir. Ox hansı tərəfi göstərirsə, yanacaq qapağı da həmin tərəfdədir.

Məsələn, şəkildəki avtomobildə ox sağa istiqamətlənib. Deməli, yanacaq çəninin qapağı avtomobilin sağ tərəfində yerləşir.

Bu xüsusiyyət xüsusilə başqa avtomobilə keçdikdə və ya icarə avtomobili idarə etdikdə daha faydalı olur.

Fərid