Bu şəxslər 2500 manatadək cərimə ediləcək

Azərbaycanda emal edilməmiş almazların idxal və ixracı ilə bağlı yeni cərimə mexanizmi tətbiq olunacaq. Avtosfer.az xəbər verir ki, bununla bağlı məsələ Milli Məclisin bu gün keçirilən plenar iclasında müzakirə edilən İnzibati Xətalar Məcəlləsinə təklif olunan dəyişiklikdə əksini tapıb.

Layihəyə əsasən, emal edilməmiş almazların müvafiq icra hakimiyyəti orqanının müəyyən etdiyi qurumun rəyi olmadan ölkəyə idxalı və ya ölkədən ixracı qadağan edilir. Bu tələbin pozulmasına görə fiziki şəxslər 550 manatdan 750 manatadək, vəzifəli şəxslər 1000 manatdan 2000 manatadək, hüquqi şəxslər isə 1500 manatdan 2500 manatadək cərimə olunacaq.

Müzakirələrdən sonra sənəd səsverməyə çıxarılıb və Milli Məclis tərəfindən birinci oxunuşda qəbul edilib.

Könül Rauf