"Chevrolet"lə drift edib sayrışan işıqlar quraşdıran sürücü saxlanıldı - RƏSMİ - VİDEO

Gəncədə yol hərəkəti qaydalarını kobud şəkildə pozan sürücü özünü videoya çəkərək TikTok hesabında paylaşıb.

Avtosfer.az xəbər verir ki, sürücü Həsən Salahov idarə etdiyi 77-BU-756 qeydiyyat nişanlı "Chevrolet" markalı avtomobili idarə edən zaman əl əyləcindən istifadə edərək maşını yolun ortasında drift edib.

Digər kadrda isə sürücü avtomobilə xüsusi sayrışan işıqlar quraşdırdığı əks olunub.

Eyni zamanda o, hərəkət zamanı telefonu əldə saxlayaraq bir sıra çəkilişlər edib.

Qeyd edək ki, sürücünün qazi olduğu deyilir.

Gəncə Şəhər Baş Polis İdarəsinin Dövlət Yol Polisi Şöbəsinin əməkdaşları tərəfindən sözügedən avtomobili idarə edən şəxs müəyyən edilərək barəsində inzibati tənbeh tədbiri görülüb.

Fərid