Nə keçiddən keçir, nə də yola baxır - Təhlükə yaradan qadın - VİDEO

Xırdalanda yol hərəkəti qaydasını pozan piyada təhlükə yaradıb. Avtosfer.az xəbər verir ki, yolu nəzərdə tutulmayan yerdən keçən qadın qəfildən görüntünü qeydə alan sürücünün qarşısına çıxıb. Sürücünün fikri yolda olduğu üçün dayanaraq təhlükədən yan keçib.

30 metr qarşıda nizamlanan piyada keçidinin olmasına baxmayaraq, qadın özünü və digər hərəkət iştirakçılarını təhlükəyə atmağı seçib.

Xatırladaq ki, piyada vurma halları belə səbəblərdən baş verir. 1 dəqiqə vaxtlarını itirib keçiddən təhkükəsiz şəkildə keçmək istəməyən piyadalar, yolu istədikləri formada keçirlər. Bu zaman fikri yoldan yayınan, telefonla məşğul olan sürücülər mütləqdir ki, həmin an piyadanı görə bilmirlər. Nəticədə faciəvi qəza baş verir. Yəni, 1 dəqiqə vaxt itirmək istəməyən piyada ömrünü itirir, sürücünün isə dəmir barmaqlıqlar arasında qalmasına səbəb olur.

Fərid