Qabağa düşmək üçün belə hərəkət edən sürücülərin diqqətinə! - TƏHLÜKƏLİDİR - VİDEO

Əksər sürücülər paytaxt yollarında yüksək sürətlə hərəkət edərək vaxt qazanmaq istəyirlər. Biz dəfələrlə qeyd etmişik, videogörüntü ilə nümunələr gətirmişik ki, qayda pozmaqla, yüksək sürətlə hərəkət etməklə qabağa düşmək olmur. Əksinə həm sürücü təhlükə ilə üz-üzə qalır, həm də digər hərəkət iştirakçıları. Avtosfer.az buna nümunə olaraq qabağa düşmək istəyən daha bir sürücünün videosunu sizə təqdim edir.

Belə ki, videogörüntü noyabrın 25-də, paytaxtın Şəfaət Mehdiyev küçəsində qeydə alınıb. 90-GA-909 qeydiyyat nişanlı "BMW" markalı avtomobilin sürücüsü görüntünü qeydə alan avtomobili sağdan ötərək yüksək sürətlə hərəkət edib. Lakin o, Əbdürrəhim bəy Haqverdiyev küçəsi ilə kəsişmədə qırmızı işıqda gözləməli olub. Yaşıl işıq yandıqdan sonra sürücü, yenidən hərəkət sürətini aşayaraq yüksək sürətlə yoluna davam edib. Bu dəfə də Bəxtiyar Vahabzadə küçəsi ilə kəsişmədə qırmızı işıqda dayanmalı olub. Sürücü hər iki halda qazandığı 2-3 saniyə vaxtı svetoforda itirməli olub.

Könül Rauf