Bakıda xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə Nizami rayonunda qeydə alınıb.

“Qara Qarayev” metrostansiyasının yaxınlığında iki avtomobilin toqquşması nəticəsində 1996-cı il təvəllüdlü Fətəlizadə Kənan Qəribəli oğlu xəsarət alıb. Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona çənə sümüyünün sınığı diaqnozu qoyulub.

Faktla bağlı araşdırma aparılır.