Gəncədə yanğın hadisəsi baş verib.

Avtosfer.az-ın məlumatına görə, hadisə şəhərin Bağman adlanan ərazisindəki Təcili tibbi yardım məntəqəsində qeydə alınıb. Məntəqədə dayanan “Mercedes” markalı təcilli tibbi yardım avtomobili anidən yanıb. Dərhal əraziyə FHN əməkdaşları cəlb olunub. Yanğın söndürüb. Yanğın zamanı avtomobilin sürücüsü, 1964-cü il təvəllüdlü Həsənov Ruzi Zabit oğlu yanıq xəsarətləri alıb. Xəstəxanaya yerləşdirilən R. Həsənova tibbi yardım göstərilib, vəziyyətinin kafi olduğu bildirilir.

Hadisənin baş vermə səbəbləri araşdırılır.