Qəza törədən sürücü telefonunu söndürüb aradan çıxdı- ŞİKAYƏT - FOTO

Bakıda yaşayış zonasında baş verən yol- nəqliyyat hadisəsində günahkar tərəf vurduğu zərəri ödəməyərək ortadan yox olub.
Zərərçəkmiş sürücü Avtosfer.az-a müraciət edərək bildirib ki, Binəqədi rayonu ərazisində yerləşən binaların birinin həyətində hərəkətdə olarkən 10-OV-522 dövlət qeydiyyat nişanlı “Hyundai” markalı avtomobil onun qarşısına çıxaraq qəza törədib. Günahkar tərəf sağında olan maşını vurduğu üçün zərərçəkəndən sığorta çağırmamasını xahiş edib. Onlar birlikdə təmirə yollansalar da 400 AZN məbləğində təmir xərcini eşidən sürücü “sabah gəlib pulu verərəm” deyərək yoxa çıxıb. Sürücü mobil nömrəsini dəyişdiyi üçün zərərçəkmiş xanım onunla telefon əlaqəsi yarada bilmir. O, hadisə yerindən yayınan sürücünün məsuliyyətə cəlb edilməsi və dəymiş maddi ziyanın ödənilməsinin təmin edilməsi üçün Dövlət Yol Polis İdarəsinin rəhbərliyindən xahiş edir.

Aysel