Sabirabadda minik avtomobillərinin toqquşması nəticəsində 3 nəfər xəsarət alıb. APA-nın məlumatına görə, hadisə Hacıqabul-Bəhrəmtəpə magistralının Dadaşbəyli kəndi ərazisindən keçən hissəsində qeydə alınıb.

“Toyota” markalı avtomobillə “VAZ 2107” markalı avtomobil toqquşub. Nəticədə 3 nəfər müxtəlif dərəcəli bədən xəsarətləri ilə Şirvan Şəhər Mərkəzi Xəstəxanasına yerləşdirilib.
Faktla bağlı BDYP tərəfindən araşdırma aparılır.