Bakıda sakinləri təngə gətirən yol problemi  - Müraciətimizə baxan yoxdur - VİDEO

Suraxanı rayonunun Binə qəsəbəsinin 178-ci məhəlləsinin sakinləri yol problemindən əziyyət çəkirlər.

Avtosfer.az xəbər verir ki, bu barədə Baku TV-yə danışan sakinlərin sözlərinə görə, yağış yağan kimi küçədə hərəkət etmək mümkünsüz olur.

"Uşaqlarımız məktəbə gedə bilmir, evdə xəstə uşağımız var, təcili yardım çağırırıq, gəlmir. Dəfələrlə müraciət etmişik, baxan yoxdur", - deyə sakin narazılığını ifadə edib.

Məsələ ilə bağlı Suraxanı Rayon İcra Hakimiyyətindən bildirilib ki, asfaltlanmaya ehtiyac olan küçələrin təmir olunması ilə bağlı vətəndaşların müraciəti əsasında aidiyyəti qurum - Avtomobil Yolları Dövlət Agentliyinə məktub ünvanlanıb.

Qeyd olunub ki, yolların asfaltlanması mərhələli şəkildə həyata keçiriləcək.