Taksi sürücüləri üçün YENİ ŞANS: Növbəti imtahanla bağlı VACİB AÇIQLAMA

Aprelin 30-da Dövlət İmtahan Mərkəzi (DİM) xüsusi hazırlıq keçən taksi sürücüləri üçün növbəti test imtahanı təşkil edib.

Bəs görəsən, bu imtahanda uğur qazanmayan namizədlər üçün əlavə hazırlıq və ya təkrar imtahan imkanı nəzərdə tutulurmu? Gələcəkdə bu imtahanlar regionlarda da keçirilə bilərmi?

Avtosfer.az xəbər verir ki, mövzu ilə bağlı “Konkret.az”a açıqlamasında nəqliyyat məsələlər üzrə ekspert Eldəniz Cəfərov maraqlı məqamlara toxunub:

“İmtahandan keçməyən sürücülər yenidən hazırlaşıb müraciət edə bilərlər. Eyni zamanda Bakıdan başqa digər regionlarımızda da bu imtahanların gələcəkdə təşkil olunması mümkündür. İmtahan xüsusi olaraq kəsilən sürücülər üçün keçirilmir. Belə ki, hər rüb bu imtahanlar təşkil olunur. Müraciət edənlərin sayı artarsa, imtahanın tez keçirilməsi mümkündür. Əksinə, tələb azalarsa, o zaman imtahan 3 yox, 6 aydan bir təşkil edilə bilər”.

İmtahanı təşkil edən qurumdan, yəni Dövlət İmtahan Mərkəzindən sorğumuza cavab olaraq bildirilib ki, regionlardan yalnız Gəncə şəhərində də imtahan təşkil olunur. Bu imtahanda müvəffəq qiymət almayanlar növbəti imtahanlarda qeydiyyatdan keçib yenidən cəhd edə bilərlər.