Avtomobili sərxoş və sürücülük vəsiqəsi olmadan idarə edən sürücülər aşkarlanıb - FOTO

Qubada nəzarət-profilaktiki tədbir zamanı sərxoş sürücülər aşkarlanıb.

Daxili İşlər Nazirliyinin mətbuat xidmətinin Quba regional qrupundan Avtosfer.az-a verilən məlumata görə, Quba Rayon Polis Şöbəsinin (RPŞ) Dövlət Yol Polisi Bölməsinin əməkdaşları yollarda kobud qayda pozuntularına yol verən sürücülərə qarşı nəzarət-profilaktiki tədbir keçiriblər.

Ümumilikdə, 112 sürücü barəsində inzibati tədbir görülüb ki, onların arasında sərxoş sürücülər də olub. Bununla yanaşı, tədbir zamanı avtomobili sürücülük vəsiqəsi olmadan idarə edənlərə, ötmə və manevr qaydalarını pozan, əks istiqamətdə hərəkət edən nəqliyyat vasitələrinin hərəkət zolağına çıxan sürücülər də aşkarlanıb və həmin qayda pozuntularına yol verən sürücülər barəsində inzibati protokol tərtib edilib.