Avtovağzalda sürücü və sərnişinlərlə yol polisinin görüşü keçirildi - FOTO

Bu gün Baş Dövlət Yol Polis İdarəsinin əməkdaşları Bakı Beynəlxalq Avtovağzal Kompkleksi ərazisində avtovağzal rəhbərliyi ilə birlikdə sürücülərlə görüş keçirib. Avtosfer.az xəbər verir ki, görüşün keçirilməsində əsas məqsəd sərnişin daşımalarını həyata keçirən sürücülərin məsuliyyətini xatırlatmaq, eyni zamanda bayram ərəfəsində regionlara gedən sərnişinlərlə maarifləndirci söhbətlər aparmaq olub. 
Yola çıxmazdan öncə nəqliyyat vasitələrinin texniki vəziyyəti, sürücülərin tibbi yoxlamadan keçməsi, eləcə də yolboyu istirahətin təmin olunması istiqamətində onlarla profilaktiki söhbətlər aparılıb.
Avtovağzalın rəhbərliyi son günlər iş rejiminin gücləndirildiyini diqqətə çatdıraraq yol polisi ilə qarşılıqlı əməkdaşlığın faydalı olacağına ümidvar olduğunu bildirib.

Emin