Bakıda “Prius”la döşək aparan sürücü cərimələndi - VİDEO

Bir neçə gün öncə Bakıda 2 nəfərin yataq matrasını yolun ortası ilə maşına daşıdığı barədə xəbər vermişdik.

Ehtimal olunur ki, matras küləyin sürətindən "Prius" markalı minik avtomobilinin üzərindən yola düşüb.

Bakı şəhər Dövlət Yol Polis İdarəsi Bakıda döşəyi maşının üzərinə qoyub daşıyan avtomobilin sürücüsünü aşkarlayaraq məsuliyyətə cəlb edib.

Bakı şəhər Dövlət Yol Polis İdarəsindən Avtosfer.az-a verilən məlumata görə, onun barəsində İnzibati Xətalar Məcəlləsinin 327.1 maddəsi əsasında protokol tərtib olunub. Sürücü 40 manat məbləğində cərimələnib.