Biləsuvarda “Narkomaniyaya yox deyək!” mövzusunda görüş keçirilib - FOTO

Biləsuvar Rayon Polis Şöbəsinin təşkilatçılığı rayonun Zəhmətabad kənd tam orta məktəbində şagirdlərlə “Narkomaniyaya yox deyək!” mövzusunda görüş keçirilib. 

Çıxış edən Biləsuvar RPŞ-nin rəisi, polis polkovniki Nəsib Məmmədov narkotik vasitələrin vasitələrin qanunsuz dövriyyəsinə və narkomaniya qarşı hüquq-mühafizə orqanlarının, o cümlədən polis əməkdaşlarının apardığı qətiyyətli mübarizədən danışıb. Diqqətə çatdırıb ki, narkomaniya və narkomanlığa qarşı mübarizənin daha səmərəli və effektiv olması üçün yeniyetmə və gənclərlə maarifləndirici görüşlər mütəmadi qaydada keçirilməli, onların narkomaniya bəlası haqqında dolğun məlumatlandırılması və antinarkomaniya ruhunda tərbiyə edilməsi təmin olunmalıdır. Bu istiqamətdə valideynlərin, pedaqoqların və ziyalıların da iştirakının artırılması vacibdir.

Sonra mövzu ilə bağlı çıxışlar dinlənilib və məktəblilərin sualları cavablandırılıb.