Şəmkirdə yol polisi əməkdaşının rüşvət aldığı iddia edilib. Avtosfer.az-ın xəbərinə görə, 99-YP-902 nömrəli polis maşınına yaxınlaşan vətəndaş polis əməkdaşına nəsə verib, uzaqlaşır. Sosial şəbəkələrdə yayılan bu videoda polisə rüşvət verildiyi iddia edilir.

Qanunvericiliyə görə, vətəndaş polisə yox, polis vətəndaşa yaxınlaşmalıdır. Yük maşınlarının normadan artıq yükə görə rüşvət ödəməsi iddiaları Azərbaycanda geniş yayılıb. DİN sözçüsü, polis mayoru Elşad Hacıyev isə bu iddiaları təkzib edir.

Qeyd edək ki, videonu meydan tv paylaşıb.