DYP dövlət qurumlarını və vəzifəli şəxsləri hansı halda cərimə edə bilər?

Yol polisi 27 Yanvar 2023 15:38 Oxunub 862
DYP dövlət qurumlarını və vəzifəli şəxsləri hansı halda cərimə edə bilər?
WhatsApp kanalımıza abunə ola bilərsiniz

Dövlət Yol Polisi müxtəlif dövlət qurumları və vəzifəli şəxsləri hansı hallarda cərimə edə bilər? Avtosfer.az xəbər verir ki, bu barədə İnzibati Xətalar Məcəlləsinin 347-ci maddəsində-nəqliyyat vasitəsinin istifadəçisi barədə məlumat verilməməsi haqqında müddəa öz əksini tapıb. Belə ki, hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görə, vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir.

Yəni, yol-nəqliyyat hadisəsi baş verən zaman nəqliyyat vasitəsi dövlət qurumuna və ya vəzifəli şəxsə, həmçinin şirkətə aiddirsə DYP müvafiq olaraq avtomobili idarə edən şəxs barəsində müvafiq quruma sorğu göndərir. Qurum 5 gün müddətində sorğuya cavab verməsə o zaman cərimə təbiq olunur.

Nəzrin Sailqızı

ŞƏRH YAZ
Ad

E-mail

Şərh