İmişlidə “avtoş”luq edən sürücünün vəsiqəsi əlindən alındı, HƏBS OLUNDU - FOTO

İmişlidə yol hərəkəti qaydalarını kobud şəkildə pozan sürücü müəyyən olunub.

Avtosfe.az-ın məlumatına görə, İmişli Rayon Polis Şöbəsinin Dövlət Yol Polisi Bölməsinin əməkdaşları tərəfindən keçirilən tədbirlərlə rayon ərazisində idarə etdiyi “VAZ” markalı avtomobillə yol hərəkəti qaydalarını kobud şəkildə pozaraq avtoxuliqanlıq hərəkətləri edən rayon sakini İ.Nurullayev saxlanılıb. 

Sürücü barəsində qanunvericiliyə uyğun olaraq protokol tərtib olunub və baxılması üçün aidiyyatı üzrə məhkəməyə göndərilib.

Məhkəmənin qərarı ilə İ.Nurullayevin sürücülük hüququ 1 il müddətində məhdudlaşdırılmaqla 15 sutka inzibati qaydada həbs edilib.

Nərmin