Maşının qabağını qaldırıb sayrışan işıqla nömrəsiz sürdü; DYP cəzalandırdı - VİDEO

Avtomobilə konstruksiya dəyişikliyi edərək idarə edən sürücünün videosu sosial şəbəkədə paylaşılıb.

Avtosfer.az-ın məlumatına görə, görüntü bir müddət əvvəl axşam saatlarında Göyçay rayonunda qeydə alınıb. Belə ki, 10-XO-458 dövlət nömrə nişanlı “VAZ-2107” markalı avtomobilin sürücüsü nəqliyyat vasitəsinin arxa yaylarını kəsərək ön hissəsini qaldırıb. Eyni zamanda o, sayrışan işıq cihazları quraşdıraraq avtomobili ön dövlət nömrə nişanı olmadan idarə edib. Kadrda sürücünün lüzumsuz manevrlər etdiyi də aydın şəkildə əks olunub. 

DİN Mətbuat Xidmətinin Şəki regional qrupundan Avtosfer.az-a bildirilib ki, “VAZ-2107” markalı avtomobilin sürücüsü Göyçay rayon Dövlət Yol Polisi Şöbəsinin Dövlət Yol Polisi Bölməsinin əməkdaşları tərəfindən saxlanılıb və  barəsində protokol tərtib olunaraq inzibati məsuliyyətə cəlb edilib. 

Nərmin