Mərdəkanda əyləci çəkib maşını fırladan sürücü HƏBS EDİLDİ - VİDEO

Paytaxtın Xəzər rayonu, Mərdəkan qəsəbəsində avtoxuliqanlıq edən sürücü saxlanılıb.

Avtosfer.az xəbər verir ki, bu barədə Bakı Şəhər Dövlət Yol Polisi İdarəsinin bölmə rəisi, polis kapitanı Toğrul Nəsirli bildirib. Onun sözlərinə görə, Xəzər Rayon Polis İdarəsinin Dövlət Yol Polisi Şöbəsinin əməkdaşları tərəfindən 77-UH-176 dövlət nömrə nişanlı “Toyota” markalı avtomobilin sürücüsü - Tacəddin İsmayılov barəsində qanunvericiliyə uyğun olaraq protokol tərtib olunub və baxılması üçün aidiyyəti üzrə məhkəməyə göndərilib.

Məhkəmənin qərarı ilə T.İsmayılovun sürücülük hüququ 1 il müddətində məhdudlaşdırılmaqla 15 gün inzibati qaydada həbs edilib.

Qeyd edək ki, bir gün öncə sözügedən sürücüylə bağlı saytımızda xəbər dərc olunmuşdu. 

Nərmin