Mingəçevirdə qaydaları pozan sürücü saxlanıldı; yetkinlik yaşına çatmadığı bəlli oldu - VİDEO

Mingəçevirdə qaydaları kobud şəkildə pozan sürücü görüntülərini “TikTok” sosial şəbəkəsində paylaşıb.

Avtosfer.az-ın məlumatına görə, 10-CO-192 dövlət nömrə nişanlı “VAZ-2107” markalı avtomobilin sürücüsü nəqliyyat vasitəsini nasaz vəziyyətdə və qeydiyyat nişanı olmadan idarə edib. Eyni zamanda o, maşının konstruksiyasına müdaxilə edib. 

DİN-in Mətbuat Xidmətinin Şəki regional qrupundan Avtosfer.az-ın sorğusuna cavab olaraq bildirilib ki, polis əməkdaşları tərəfindən sürücünün yetkinlik yaşına çatmayan şəhər sakini olduğu müəyyən edilib. Onun barəsində İnzibati Xətalar Məcəlləsinin müvafiq maddələri ilə protokol tərtib edilərək aidiyyəti üzrə ŞİHB yanında Yetkinlik Yaşına Çatmayanların İşləri və Hüquqlarının Müdafiəsi üzrə Komissiyaya göndərilib.

Nərmin