Nizamidə yol polisləri iki "avtoş" tutdu: 500 manat cərimə və vəsiqəsiz 1 il - FOTO

Nizami rayon Dövlət Yol Polisi Şöbəsinin əməkdaşları rayon ərazisində avtoxuliqanlıq hərəkətləri edən iki sürücünü saxlayıb. Avtosfer.az xəbər verir ki, 99-DC-577 dövlət nömrə nişanlı, "Kia" markalı avtomobilin sürücüsü Mahmudov Mahir Anar oğlu və  "Ford" markalı avtomobilin sürücüsü İnzibati Xətalar Məcəlləsinin 511.1.3-cü maddəsinin tələblərini kobud şəkildə pozaraq avtoxuliqanlıq hərəkətləri edib. Eyni zamanda əks istiqamətli yola çıxaraq təhlükəli vəziyyət yaradıb. 
Hər iki sürücü barəsində toplanmış materiallar aidiyyatı üzrə Nizami rayon Məhkəməsinə göndərilib. Məhkəmənin qərarı ilə sürücülər İnzibati Xətalar Məcəlləsinin müvafiq maddələri ilə təqsirli bilinib və barələrində sürücülük hüququndan 1 il məhrum edilməklə 500 manat cərimə qərarı çıxarılıb.

Fərid