Postda saxlanılan "KİA" sürücüsünün üzərindən narkotik ÇIXDI - VİDEO

Narkotik vasitənin təsiri altında avtomobil idarə edən sürücü ifşa olundu.

DİN Mətbuat Xidmətindən Avtosfer.az-a verilən məlumata görə, Bakı-Qazax avtomobil yolunda hərəkətdə olan “KİA” markalı avtomobilin sürücüsü, Gəncə şəhər sakini Nail Həşimov Baş Dövlət Yol Polisi İdarəsinin 8-ci taqımının əməkdaşları tərəfindən stasionar posta saxlanılıb. Sənədlərin yoxlanılması zamanı sürücünün narkotik vasitənin təsiri altında olmasına əsaslı şübhələr yarandığından onun tibbi müayinədən keçməsi təmin edilib və fakt təsdiqini tapıb.

Bununla yanaşı, üzərində narkotik vasitə aşkar olunduğu üçün N.Həşimov barəsində qanunamüvafiq tədbirlər görülməklə ərazi polis orqanına təhvil verilib.