Qaxda yolu piyada keçidlərindən keçməyənlər cərimələndi - FOTO

Qax Rayon Polis Şöbəsinin Dövlət Yol Polisi Bölməsinin əməkdaşları tərəfindən piyadaların vurulması ilə nəticələnən yol-nəqliyyat hadisələrinin qarşısının alınması, eləcə də onların maarifləndirilməsi məqsədilə şəhər ərazisində profilaktik tədbirlər keçirilib.

Daxili İşlər Nazirliyinin Mətbuat Xidmətinin Şəki regional qrupundan Avtosfer.az-a verilən məlumata görə, xüsusilə də şəhərin mərkəzi küçə və prospektlərində keçirilən tədbirlər zamanı piyada keçidlərindən istifadə etməyərək özlərinin, eləcə də digər hərəkət iştirakçılarının sağlamlığı üçün təhlükə yaradan şəxslər polis əməkdaşları tərəfindən müəyyən olunub. Onlara qaydalar barədə ətraflı məlumat verilib və bu kimi halların piyadaların xəsarət almasına, bəzi hallarda həyatını itirməsinə səbəb olduğu izah edilib.

Aparılan maarifləndirici tədbirlərə baxmayaraq analoji qayda pozuntusuna yol verən piyadalar barəsində inzibati tənbeh tədbirləri görülüb.