Qəzaya düşən xanım sürücünü yol polisləri maşından çıxarıb XİLAS ETDİ

Bakıda qəzaya düşən xanım sürücünü yol polisləri xilas edib. Avtosfer.az xəbər verir ki, Türkel Abdıyeva bununla bağlı Daxili İşlər Nazirliyinə etdiyi müraciətdə bildirib. Onun sözlərinə görə, fevralın 1-də Pirallahı rayonu ərazisində şəxsi maşını ilə hərəkətdə olarkən idarəetməni itirib və qəzaya düşüb. Qəza baş verəndən dərhal sonra Pirallahı rayon Polis İdarəsinin Dövlət Yol Polisi Şöbəsinin əməkdaşları hadisə yerinə yaxınlaşaraq əraziyə təcili yardım çağırıblar: “Yol polisləri mənə maşından çıxmaqda kömək etdilər, çətin vəziyyətdən xilas etdilər. Buna görə də, başda daxili işlər naziri olmaqla Pirallahı rayon Polis İdarəsinə, bütün kollektivə təşəkkür edirəm”.

Emin