Noyabrın 30-da 2022-ci il tarixində “Yol hərəkətinin təhlükəsizliyinə dair 2019-2023-cü illər üçün Dövlət Proqramı”na uyğun olaraq Bakı şəhər Dövlət Yol Polisi İdarəsi və 1 nömrəli Uşaq-Gənclər İnkişaf Mərkəzinin təşkilatçılığı ilə 266 nömrəli tam orta məktəbdə  “Uşaqlar yol hərəkət qaydalarını necə öyrənib?” mövzusunda intellektual yarış keçirilib.
Məqsəd uşaqlar arasında yol hərəkəti təhlükəsizliyi, yol mədəniyyəti barədə məlumatlılığı artırmaq və onların yeni biliklər öyrənməsini təmin etməkdir.
Tədbirdə Bakı Şəhər Dövlət Yol Polisi İdarəsinin polis baş leytenantı Pərvanə Muradova, Bakı Şəhər Dövlət Yol Polisi İdarəsinin polis leytenantı Rüstəm Əhmədli, Azərbaycan Milli Avtomobil Kulubu Əməkdaşı Layihə Meneceri Həsən Xıdırov, 1 nömrəli Uşaq-Gənclər İnkişaf Mərkəzinin əməkdaşları,  müəllimlər, uşaqlar və valideynlər iştirak edib.
Bakı Şəhər Dövlət Yol Polisi İdarəsinin polis baş leytenantı Pərvanə Muradova və 1 nömrəli Uşaq-Gənclər İnkişaf Mərkəzinin şöbə müdiri Fəridə Süleymanova yol hərəkəti qaydaları ilə bağlı maarifləndirici söhbətlər aparıb. Uşaqlara mövzu ilə bağlı videoçarx nümayiş olunub. Azərbaycan Milli Avtomobil Kulubu Əməkdaşı Layihə Meneceri Həsən Xıdırov yol təhlükəsizliyini necə yaxşılaşdırmaq və məktəb ərazilərində yol hərəkəti qurbanlarının azaldıla biləcəyi məqsədilə görülən işlərdən danışıb.
Tədbir zamanı mövzu ilə bağlı yarış keçirilib. Yarışın münsiflər heyəti Bakı Şəhər Dövlət Yol Polisi İdarəsinin polis baş leytenantı Pərvanə Muradova, Bakı Şəhər Dövlət Yol Polisi İdarəsinin polis leytenantı Rüstəm Əhmədli, Azərbaycan Milli Avtomobil Kulubunun əməkdaşı Layihə Meneceri Həsən Xıdırov, Bakı şəhər  1 nömrəli Uşaq-Gənclər İnkişaf Mərkəzinin metodisti Cəmilə Qənbərova olub.
20 nəfər ibtidai sinif şagirdlərindən təşkil olunmuş 4 komanda arasında keçirilən yarışda uşaqların yol hərəkəti qaydaları ilə bağlı nəzəri bilikləri ekranda əks olunan suallarla yoxlanılıb. “Sərnişinlər” komandası I, “Polislər” komandası II, “Piyadalar” komandası III yeri tutaraq diplomlarla təltif olunublar. Yarışın sonunda AMAK Təşkilatı tərəfindən məktəblilərin qorunması adlı şəkilli bukletlər paylanıb.
Sonda 266 nömrəli tam orta məktəbin rəhbərliyi yarışın təşkilatçılarına təşəkkürünü bildirdi.