Sumqayıtda yol polisi qarlı havada belə çalışır - FOTO - VİDEO

Bu gün Sumqayıta ilk qar yağıb. Bəziləri elə düşünürdü ki, yağan qar problemlər yaradacaq. Amma heç də belə olmadı. Səhər saatlarından etibarən Sumqayıt şəhər Polis İdarəsi Dövlət Yol Polisi Şöbəsinin əməkdaşlarının müşayiəti ilə Mənzil Kommunal Təsərrüfatı İstehsalat Birliyinin tabeliyindəki Təmizlik Departamentinin əməkdaşları tərəfindən yollara duz və qum səpilib. Avtomobillərin hərəkətini normallaşdırmaq üçün mühüm işlər görülüb.

Avtosfer.az xəbər verir ki, Sumqayıt şəhər Polis idarəsi qarlı-şaxtalı havada sərnişinlərin, sürücülərin, piyadaların və şəhər sakinlərinin təhlükəsizliyini təmin etmək məqsədilə gücləndirilmiş iş rejimində çalışır. Onlar günün 24 saatını yollarda keşik çəkərək təhlükəsizliyimizi təmin edir.

Sumqayıt şəhər Polis idarəsi Dövlət Yol Polisi Şöbəsinin əməkdaşları mövcud şəraitdə yolda qalan nəqliyyat vasitələrinin sürücülərinə kömək edir, yolu keçə bilməyən piyadaların hərəkətini təmin edir. Yarana biləcək qəzaların qarşısını almaq üçün yüksək səviyyədə xidmət aparır.

Könül