Yaşayış zonasında nömrəsiz “VAZ”la “avtoş”luq edən sürücü CƏRİMƏLƏNDİ - RƏSMİ - VİDEO

Yol hərəkəti qaydalarını kobud şəkildə pozaraq videosunu “TikTok” sosial platformasında paylaşan sürücü müəyyən olunub. 

Avtosfer.az-a məlumatına görə, Abşeron Rayon Polis İdarəsinin Dövlət Yol Polisi Şöbəsi əməkdaşlarının keçirdikləri tədbirlər nəticəsində “VAZ-2107” markalı 90-DR-087 dövlət nömrə nişanlı avtomobillə yaşayış zonasında təhlükəli manevrlər edərək həmin görüntüləri sosial şəbəkədə paylaşan şəxs polis əməkdaşları tərəfindən saxlanılıb.
Avtomobil duracağa yerləşdirilib, sürücü -  24 yaşlı Ramal Əliyev barəsində toplanmış materiallar hüquqi qiymət verilməsi üçün məhkəməyə göndərilib. Məhkəmənin qərarı ilə R.Əliyev cərimələnib.

Qeyd edək ki, bir neçə gün öncə sözügedən sürücüylə bağlı xəbər dərc olunmuşdu. 

Nərmin