“Yol hərəkəti qaydalarını öyrənək!” adlı məşğələ keçirildi - FOTO

Bakıda 1 nömrəli uşaq-gənclər inkişaf mərkəzində 339 saylı körpələr evi - uşaq bağçasının müraciəti nəzərə alınaraq məktəbə hazırlıq qrupunun uşaqları üçün “Yol hərəkəti qaydalarını öyrənək!” adlı maarifləndirici məşğələ keçirilib. Avtosfer.az xəbər verir ki, məşğələdə uşaqlarla birgə müəllimlər və valideynlər də iştirak edib. Əvvəlcə onlar uşaq avtoşəhərciyi və oradakı yol nişanları, nişanlanma xətləri ilə tanış olub, piyada keçidlərindən istifadə etməklə svetoforun işarələrinə əməl edib yolu keçmək qaydalarını nümayiş etdiriblər.

Uşaqlara birtərəfli və ikitərəfli yolların fərqi izah edilib, bu yolların keçilmə qaydaları göstərilib. Şəhərcik ərazisində istifadə olunan texniki vasitələrə baxış uşaqların marağına səbəb oub. Sonda komandalara ayrılmış uşaqlarla yol hərəkəti qaydalarına aid viktorinalar, oyunlar keçirilib, pazıllarla müxtəlif yol nişanları yığılıb.

Məşğələdə Bakı Şəhər BPİ DYP İdarəsinin polis kapitanı Pərvanə. Muradova, polis leytenantı Elnur.Mahmudov, 1 nömrəli uşaq–gənclər inkişaf mərkəzinin direktoru Kəmalə xanım Abdullayeva və mərkəzin əməkdaşları iştirak ediblər.

Emin