Yol polisi moped və velosiped sürücülərinə jilet payladı - FOTO - VİDEO

Baş Dövlət Yol Polisi İdarəsi və Bakı şəhər Dövlət Yol Polisi İdarəsinin əməkdaşları paytaxt ərazisində moped sürücülərinə xüsusi işıqqaytarıcı jiletlər paylayıb. Avtosfer.az xəbər verir ki, aksiya Sahil metrosunun yaxınlığında həyata keçirilib. Çatdırılma xidmətini həyata keçirən sürücülərə bu jiletlər hədiyyə edilib və onlarla maarifləndirici söhbətlər aparılıb. BYDPİ-nin əməkdaşı, polis kapitanı Toğrul Nəsirli Avtosfer.az-a bildirib ki, aksiyanın məqsədi baş verə biləcək qəzaların qarşısını almaqdır. "Xüsusilə gecə saatlarında bu geyimlərdən istifadə olunması təhlükəsizliyin təmin olunmasında köməkçi rolunu oynayacaq. Son zamanlar baş verən moped və velosiped qəzaları bu cür tədbirlərin həyata keçirilməsini zəruri edir." 
Tədbirdən hazırlanmış videonu təqdim edirik:

Orxan