Yol polisi nişanları və şəhid abidələrini qardan təmizləyir - FOTOLAR

Baş Dövlət Yol Polisi İdarəsinin və "Siqnal İLİ" İdarəsinin əməkdaşları tərəfindən bütün bölgələrdə yol kənarlarında olan şəhidlərin xatirə lövhələri və yol nişanları qardan və buzdan təmizlənir. Avtosfer.az xəbər verir ki, bir neçə gündür havanın yağıntılı keçməsi nəticəsində bir çox ərazilərdə yol nişanlarının üstü qarla örtülüb. "Siqnal" İdarəsinin əməkdaşları isə bu istiqamətdə işləri fasiləsiz olaraq davam etdirirlər. Onlar həm yol nişanlarını qardan təmizləyərək normal hala gətirirlər, həm də yollara yaxın ərazilərdə yerləşən şəhid abidələrinə qulluq göstərərək təmizlik işləri aparırlar.

Növbəti tədbirlər Şəki, Qəbələ, İsmayıllı, Tərtər, Mingəçevir, Bərdə, Cəlilabad, Lənkəran, Kürdəmir, Göyçay, Tovuz və Gəncə şəhərlərində həyata keçirilib.

Həmin görüntüləri təqdim edirik.