Yol polisi sürücüləri postda saxlayıb görün nə etdi - "Çətinlik olsa zəng edin" - VİDEO

DYP postlarında xidmət aparan əməkdaşlar tərəfindən avtobus və mikroavtobusların sürücüləri ilə profilaktiki söhbətlər aparılıb. Avtosfer.az xəbər verir ki, sərnişin daşınması ilə məşğul olan avtobus və mikroavtobusların sürücüləri YPX əməkdaşları tərəfindən saxlanılaraq hava şəraiti barədə onlara müvafiq məlumatlar verilib, yollarda ehtiyatlı olmaları, yol nişanlarının tələblərinə ciddi riayət etmələri, sürət həddini hava şəraitinə uyğun seçmələri tövsiyə edilib, nəqliyyat vasitələrinin texniki vəziyyəti yoxlanılıb. Eyni zamanda dumanla hava şəraiti müşahidə edilən, görünmə zonası məhdud olan yollarda duman olan hissə qurtaranana qədər nəqliyyat vasitələri patrul avtomobillərinin müşaiəti ilə aparılıb.                    
Qeyri-sabit hava şəraitinin davam edəcəyi müddət ərzində bu tədbirlər mütamədi olaraq davam etdiriləcək.

Emin