Yol polisindən ibrətamiz addım; Sığınacaqdakı 6 uşağın hər il bütün xərclərini qarşılayırmış - VİDEO

Bakıda yol polisinin hərəkəti sosial şəbəkə istifadəçilərinin diqqətinə və rəğbətinə səbəb olub.

Avtosfer.az xəbər verir ki, bu barədə “Təmiz dünya” İctimai Birliyinin sədri Mehriban Zeynalovanın rəhbərlik etdiyi “Qadın və uşaq sığınacağı”nın feysbuk hesabında video paylaşılıb. Qeyd edilib ki, Bakı şəhər Dövlət Yol Polisi İdarəsinin adının çəkilməsini istəməyən əməkdaşı sığınacaqdakı 6 uşağı uzun müddətdir himayəsinə götürüb. Hər il polisin sığınacağa həmin 6 qız üçün ayırdığı dəstəklə onların məktəbli geyimləri, ləvazimatlar və digər gündəlik xərcləri qarşılanır.

Videoda sığınacağın əməkdaşı qeyd edir ki, kimliyinin bilinməsini istəməyən yol polisinin himayəyə götürdüyü uşaqların artıq bir müddət sonra dərsləri başlayır və buna görə də onlara bazarlıq edilməsi üçün sığınacaqdan çıxıblar. Alış-veriş etdikdən sonra restoranda yemək yeyərək geri qayıdıblar.

Sığınacağın səhifəsində paylaşılan həmin videonu təqdim edirik:

Səfər