153 min manata QAZ-21 “Volqa” satılır - FOTO

Avto.ru saytında bərpa edilmiş və mükəmməl vəziyyətdə olan 1964-cü ilin QAZ-21 "Volqa" sedanı satışa çıxarılıb.

21 min kilometrlik yürüşə malik olan açıq boz rəngli sedanı 6.900.000 rubla (153 min 870 manat) satmağı planlaşdırırlar. Bu qiymətə Rusiyada, məsələn, yeni BMW X6 krossoverini almaq olar. Elanda 57 yaşlı "Volqa" sedanının "konveyerdən indi çıxmış kimi"  vəziyyətdə olduğu və bütün orijinal hissələrini qoruduğu bildirilir.

Satıcının dediyinə görə, sedanın yalnız iki sahibi olub və ondan heç vaxt qışda istifadə olunmayıb. İndi nadir avtomobil Qus-Xrustalnıy şəhərində yeni sahibini gözləyir.