2020-ci ildə Azərbaycan minik avtomobillərinin istehsalını azaldıb.

Avtosfer.az-ın Dövlət Statistika Komitəsindən əldə etdiyi məlumata əsasən, Azərbaycanda 2020-ci il 1 949 ədəd minik avtomobili istehsal edilib. Bu da o deməkdir ki, 2019-cu ilin eyni dövrü ilə müqayisədə 411 ədəd az minik avtomobili istehsal olunub.

Ümumilikdə maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 352,2 milyon manatlıq məhsul istehsal edilib.

Əvvəlki illə müqayisədə sair nəqliyyat vasitələrinin istehsalı 47 faiz, avtomobil, qoşqu və yarımqoşquların istehsalı 35,7 faiz artıb, maşın və avadanlıqların istehsalı isə 5,1 faiz azalıb.