Almaniyada avtomobil satışları yanvarda 30% azalıb

2021-ci ilin yanvar ayında Almaniyada yeni avtomobillərin satışları 30% azalaraq təxminən 170 min vahidə enib.

Avtosfer.az "APA-Economics"-ə istinadən bildirir ki, bu barədə "Reuters"ə yerli bazardakı etibarlı mənbə deyib.

Mənbəyə görə, avtosalonlar COVID-19 pandemiyası səbəbindən başlanan ikinci karantin rejimindən, əsas olmayan mağazaların bağlanmasından və 2020-ci ildə bitən vergi tətillərində sonra ağır zərbə alıblar.

Qeyd edək ki, 2020-ci ilin dekabr ayında yeni avtomobillərin satışları 10% artmışdı.