Avtosfer.az | Reklam
Azərbaycan avtomobil istehsalını 2,7 dəfə artırıb
Avtobazar 25 Mart 2020 10:30 Oxunub 1932
Azərbaycan avtomobil istehsalını 2,7 dəfə artırıb
Martın 1-nə ölkədə 336 ədəd hazır məhsul istehsalı yaranıb

Bu ilin yanvar-fevral aylarında Azərbaycanda maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində 98,3 mln. manatlıq məhsul istehsal edilib.

Avtosfer.az xəbər verir ki, “Report”un Dövlət Statistika Komitəsinə istinadən verdiyi məlumata görə, əvvəlki ilin müvafiq dövrü ilə müqayisədə sair nəqliyyat vasitələrinin istehsalı 2,5 dəfə, avtomobil, qoşqu və yarımqoşquların istehsalı isə 7 dəfə artıb.

Yanvar-fevral aylarında 480 ədəd minik avtomobili istehsal olunub ki, bu da 2019-cu ilin iki ayının göstəriciləri ilə müqayisədə 2,7 dəfə çoxdur. Bu ilin martın 1-nə ölkədə 172 ədəd hazır məhsul istehsalı yaranıb.

Yanvar-fevral aylarında ölkədə 50 ədəd traktor istehsal edilib. Bu, ötən ilin iki ayı ilə müqayisədə 82,6% azdır. Amma bununla belə, martın 1-nə ölkədə 336 ədəd hazır məhsul istehsalı yaranıb.

Hesabat dövründə ştanqlı quyu nasoslarının istehsalı 85%, mancanaq dəzgahlarının istehsalı 2,2 dəfə artıb.

Gültən

ŞƏRH YAZ
Ad

E-mail

Şərh