"BMW" estetik əməliyyatdan çıxan X3 və X4 modelini təqdim etdi - FOTO

«BMW» ən çox satılan X3 və X4 versiyalarına bir növ geniş miqyaslı estetik əməliyyat etdirib. Dəyişikliklər çox təəccüblü olmasa da, modellərə daha sportiv bir görünüş qazandırıb.
Avtosfer.az bildirir ki, hər iki avtomobilin xarici dizaynında minimal dəyişikliklar edilib. Məsələn, fənər dəstləri əvvəlkindən daha incə, radiator barmaqlığının isə əvvəlkindən daha böyük olduğu aydın görünür. Ön bamperlərdə də kiçik dəyişikliklər yaşayan modellər, bu hissədə artıq üçbucaqlı hava kanallarına sahibdirlər. X3 və X4'ün arxa qismində də ciddi dəyişikliklər olunmayıb.
«BMW» X3 və X4 kabinələri üçün yeni 4-cü Seriya modelindən ilham alıb. X3-də standart olaraq təqdim olunan 10.25 düymlük multi media sistemi, Live Cockpit Professional yeniləməsi ilə 12.3 düymə çatır. Böyük ekranlar X4-də isə standart olaraq qalır.
«BMW»nin turbo mühərrikləri 250 at gücü və 350 Nm firlanma anı hasil edə bilir. Bu da avtomobilin 0-100km/saat sürətə 6.2 saniyədə çatmasına kömək edir. «BMW» bu model üçün maksimum sürəti 209 km/saat ilə məhdudlaşdırıb. 3.0 litrlik turbo mühərrikləri və yarı hibrid mühərriklər 382 at gücü və 500 Nm fırlanma anı hasil edə bilir. 0-100 km/s sürətə çatmaq üçün isə 4.6 saniyə səf edilir.
«BMW»-nin X3 modeli Almaniyada 51.000 avrodan, X4 modelləri 55.000 avrodan başlayan qiymətlərlə satılır.