Çin avtomobil şirkəti “General Motors” u üstələdi - FOTO

Çinin elektrikli avtomobil istehsalçısı NIO-un gəlirləri GM konserninin kapitallaşma səviyyəsini aşıb.
Avtosfer.az Bloomberg-ə istinadla xəbər verir ki, NIO-nun hazırkı kapitalı 57,69 milyard dollardır. Təəccüblüdür ki, yalnız bir ayda şirkətin dəyəri iki dəfədən çox artıb. Amma General Motors, birja tərəfindən 53,15 milyard dollar olaraq qiymətləndirilir.
Dəyər artımı Çin hökumətinin iqtisadiyyatın yaşıllaşdığını elan etməsindən sonra baş verib. Bu, elektrikli nəqliyyat vasitələrinə olan tələbin artmasına səbəb olub.
Xatırladaq ki, yaxın gələcək üçün perspektivli nəqliyyat vasitəsi sayılan elektrikli nəqliyyat vasitələrinə olan tələb, “Tesla”nın səhmlərinin 415 milyard dollara qədər artmasına səbəb olub ki, bu da eyni parametrdə olan “Toyota”nı atlamağa imkan verib.
Qeyd edək ki, NIO 2017-ci ildən bəri yalnız 64 min avtomobil istehsal edib. GM isə yalnız bir ildə 3 milyon avtomobil satıb. Eyni zamanda, Çin şirkəti aktiv olaraq enerji doldurma stansiyaları şəbəkələri və batareyaları dəyişdirmə nöqtələri yaradır. Təkcə nəqliyyat vasitələrinə deyil, həm də infrastruktura investisiya qoyur və buna daha çox əhəmiyyət verir.

Nərminə Novruzova