ƏƏSMN 2 milyon manatlıq "Khazar LX" avtomobili alır

Əmək və Əhalinin Sosial Müdafiəsi Nazirliyi Neftçala Sənaye Məhəlləsində fəaliyyət göstərən “Azərmaş” MMC-dən 164 ədəd “Khazar LX” markalı minik avtomobili alacaq.

Avtosfer.az xəbər verir ki, nazirlik buna görə 1 999 980 manat ödəniş edəcək. 

Başqa sözlə, hər avtomobil quruma 12 195 manata başa gələcək. 

Avtosfer.az-ın məlumatına görə ƏƏSMN-nin mətbuat xidmətinin rəhbəri Fazil Talıblı "Report"a bildirib ki, avtomobillər ölkə prezidentinin ayırdığı vəsait hesabına alınır. Onlar Qarabağ müharibəsi əlillərinə və onlara bərabər tutulan şəxslərə təqdim ediləcək.