Elektromobillərə tələbat azalır? - bu modellərin istehsalı dayandı

Bu modellər 18 gün istehsal olunmayacaq.

Tesla elektrikli avtomobillərinə COVID-19 pandemiyası dövründə də böyük tələbat var. Lakin elektromobillərin satışı vahid deyil: ən ucuz Model 3 və Model Y populyardır, Model S və Model X isə yaxşı satılmır. Məsələn, keçən rüb Tesla şirkəti 139 min 300 elektromobil satıb ki, bunların ümumilikdə 15 min 200-nü Model X və Model S təşkil edib. Göründüyü kimi zəif tələb, Model X və Model S istehsalının dayandırılmasının başlıca səbəbidir. 

TED.az xəbər verir ki, Model X və Model S-in 24 dekabrdan 11 yanvaradək, yəni 18 gün ərzində istehsal olunmayacaq.

Model X və Model S-nin hazırlanmasında ​​iştirak edən işçilərə bu müddət ərzində bir həftəlik fasilə və tətil üçün pul ödəniləcək. Digər komandalarla işləyərkən onlara “məhdud ödəmə variantları” vəd olunur.