Elektromobillərin qlobal satışları "BMW" "Mercedes" in dominantlığını azaldıb
Avtobazar 13 Yanvar 2021 14:56 Oxunub 264
Elektromobillərin qlobal satışları "BMW"  və "Mercedes" in dominantlığını azaldıb

Tarixən "toxunulmaz" sayılan Almaniyanın avtomobil sənayesinin nəhəngləri "Mercedes”, BMW və "Audi" şirkətləri qlobal bazardakı mövqeləri "Tesla" və digər lüks elektrik mühərrikli avtomobil istehsalçılarına görə zəifləyib.

Avtosfer.az-ın "Bloomberg"ə istinadən verdiyi məlumata görə, bunu "Piper Sandler & Co." investisiya şirkətinin analitiki Aleksandr Poter deyib.

Analitik qeyd edib ki, avtomobil sənayesində elektrikləşmə trendi yalnız "Mercedes", BMW və "Audi"yə gözəçarpan dərəcədə təsir edəcək: "Hər dəfə "Tesla" yeni mağaza açdıqda, almanlar bazardakı paylarını bir qədərdə itirir. Yeni mağazaların açılması üçün isə imkanlar çoxdur".

 

Qeyd edək ki, 2020-ci ildə "Mercedes"in ümumi avtomobil satışında BMW-ni üstələməsinə baxmayaraq, elektromobillərin satışında BMW əsas rəqibindən daha uğurlu olub. Ötən il BMW-nin elektromobil satışları 193 min təşkil etdiyi halda, "Mercedes" cəmi 160 min elektromobil realizə edib. "Audi" öz növbəsində, 47 min elektrik mühərrikli avtomobil satıb.

BMW-nin elektromobil bazarına çoxalan diqqəti (xüsusən Çində) "Tesla"nın bu ölkənin avtomobil bazarında artan təsirindən irəli gəlir. Cavab tədbirləri kimi, BMW hibrid və elektrik mühərrikli avtomobillərinin istehsalını iki dəfə artırmağı planlaşdırır, "Mercedes" isə yeni tam elektrikləşmiş modelin buraxılışına hazırlaşır.

ŞƏRH YAZ
Ad

E-mail

Şərh