Təyyarə gövdəsindən hazırlanan limuzin satışa çıxarılır - FOTO

Məşhur hərrac evi olan Mecum, korpusu Learjet təyyarəsinin konvertasiya edilmiş gövdəsindən haırlanmış limuzini satışa çıxarıb.

Avtosfer.az xarici KİV-ə istinadən xəbər verir ki,limuzinin satışı may ayında keçiriləcək. Lotun ilkin qiyməti hələ açıqlanmayıb.

Limo-Jet adını qazanmış yeni model avtomobilin ümumi çəkisi 18 000 kq-dır. 18 nəfərlik sərnişin tutumu olan jet-limuzinin salonu hər komfortla təchiz olunmuşdur. 8.1

Saatda 160km sürətlə hərəkət edə bilən avtomobil, 8.1 litr həcmli 400 at gücünə malik General Motorsun təqdim etdiyi mühərrikdən ibarətdir.

Qeyr-adi görünüşünə baxmayaraq, 2019-cu ildə yaradılan Limo-Jet bütün təhlükəsizlik tələblərinə cavab verir. Ümumi istifadə yollarında idarə edilmək üçün yararlıdır.

Nərminə Əli